محترم حضرت حکیم صاحب السلام علیکم! آپ ماشاء اللہ ہمارے نسخوں کو اپنے رسالہ میں جگہ دے کر ہمارے لیے صدقہ جاریہ بناتے ہیں۔میں پیشے کے لحاظ سے ایک حکیم ہوں اور آج اپنے دواخانہ کا سب سے زیادہ چلنے والانسخہ عبقری قارئین کو ہدیہ کررہا ہوں۔ اس نسخہ کو جس نے بھی آزمایا مجرب پایا۔یہ نسخہ لیکوریا اور حمل ٹھہرانے کیلئے مجرب ہے۔ ھوالشافی: پھٹکڑی سفید ایک پاؤ‘ سوڈابائیکارب ایک پاؤ‘ پانی ایک کلو‘ دونوں ادویات پانی میں ڈال کر رکھ دیں اور صبح تک دوائی میں خوب جوش آچکا ہوگا۔ صبح آگ پر رکھ کر خشک کرلیں اور دوائی کا وزن کریں اور چوتھا حصہ دوائی میں کشتہ مرجان ڈالیں‘ نسخہ تیار ہے۔ پانچ سوملی گرام کیپسول بھرلیں۔ خوراک صبح و عصر کے بعد پانی کیساتھ دیں۔ انشاء اللہ لیکوریا سے مکمل شفاء ہوگی۔ پندرہ یوم دوائی استعمال کرکے چھوڑ دیں‘ مکمل کورس ہے۔ حمل ٹھہرانے کیلئے تاریخ سے فارغ ہوکر تین یوم استعمال کریں اور صحبت کریں۔ انشاء اللہ امید بر آئے گی۔ عرصہ بیس سال سے زیراستعمال ہے۔ خطاء نہیں گیا‘ فائدہ اٹھائیں۔(محمد ارشد زبیر‘ ضلع سرگودھا)